مافي كان غير انتي ترضي..
بالفراق الحل بيننا = وكنت لازم أرضى برضي
وكان دي أكبر مشكلاتي..
وكلو محسوب بالدقيقة = وكلو مكتوب يا حياتي
***
وما في في ايدينا حاجة = كنا ممكن نعملا
غير نواصل في طريقنا = والمواجع نحملا
المهم ما ننسى ريدنا = والمحبة نواصلا
وكأنو ما بيناتنا فرقة = ومافي أبدا مشكلة
والوصال لو اصلو آتي ..
ما كلو محسوب بالدقيقة = وكلو مكتوب يا حياتي
***
والسؤال اللسه حاير = كيف قلوبنا نحننا
والفراق الكاسو داير = فينا غصبا عننا
ما ناوى يعتقنا ويغادر = وكأنو قاصد حبنا
إلا رب القدرة قادر = في لحظة تاني يلمنا
وتضوى عينيك امسياتي..
ما كلو محسوب بالدقيقة = وكلو مكتوب يا حياتي
***
ووصيتي ليك لو تسمعي = اليأس لالا ولا العنا
وما دايرك أبدا تقنعي = وما ياخدك الهم والضنا
على فكرة لسع أدمعي = محبوسة في عيني هنا
ولى دمعك أحسن تمنعي = لا حدي ما أرجع أنا
ونغني أجمل أغنياتي..
ما كلو محسوب بالدقيقة = وكلو مكتوب يا حياتي